|
|
La Porpaca Lernejo
La Porpaca
Lernejo(PPL) estis starigita en 1979 kun la celo gvidi preteretendadon de
eduka laboro. La PPL asimilas la principojn, sur kiuj la Komunumo estis
fondita per engaĝigado en alfrontiĝada laboro inter araboj kaj
judoj. Tiu laboro estas inspirata laũ vizio de humana, egaleca kaj justa
socio. La celo de la alfrontiĝadoj estas evoluigi la konscion de la
partoprenantoj pri la konflikto kaj ilia rolo en ĝi, same kiel ebligi al
ili esplori kaj evoluigi sian identecon per interagado unu kun la alia.
La
Porpaca Lernejo gvidas la sekvajn programojn:.
- Alfrontiĝadaj
laborkunsidoj pri la konflikto por judaj kaj palestinanaj junuloj en
Israelo
- Alfrontiĝadaj
laborkunsidoj, dumserva trejnado kaj seminaroj por plenkreskulaj grupoj,
inkluzive
- instruistojn, ĵurnalistojn,
advokatojn, socilaboristojn kaj universitatajn studentojn.
- Alfrontiĝada
laboro inter civitanoj de Israel kaj Palestino kune kun palestinaj
Neregistaraj Organizoj(NRO-oj).
- Kursoj por trejni
gvidantojn de diskut-grupoj.
- Ĉiujaraj
kursoj por bakalaũroj kunlabore kun kvar israelaj universitatoj.
- Kursoj por
plenrajtigi arabinojn kaj judinojn.
- Kursoj por
trejnado (pri la propraj labormetodoj) de eksterlandanoj.
- Alfrontiĝoj
por levi la konscion pri konfliktoj interne de grupoj en socio araba kaj
juda.
La supraj
programoj estas gvidataj kaj diskutigataj fare de kuna jud-palestinana
personaro. Tiuj gvidantoj de diskut-grupoj havas profesian trejnadon en la
sciencoj sociaj kaj behaviorismaj, kaj ili estas aparte trejnitaj por labori
kun enkonfliktaj grupoj. Dum multaj jaroj da spertado, inkluzive intensan
agadesploron, la Lernejo evoluigis edukadan aliron, kiu metas emfazon sur
tiajn elementojn kiel rilatojn per povo kaj kiel la esploradon de etnaj kaj
naciaj identecoj.
Ĝis la jaro
2002, proksimume 35,000 gejunuloj vizitis la alfrontiĝadojn de la
Porpaca Lernejo. Tricent plenkreskuloj estis ricevintaj trejnadon en la
sperto regi konfliktojn: multaj el tiuj personoj nun aktivas en aliaj
organizoj, kiuj okupiĝas pri socia ŝanĝo. La PPL fondis en
1999 esplorcentron, kies celo estas dokumenti kaj esplori la laboron gviditan
de la PPL kaj de organizoj, kiuj okupiĝas pri la alfrontiĝon
jud-araban, kaj ankaũ ĝenerale studi rilatojn jud-arabajn.
Estontece la PPL planas fondi postbakalaũrajn studojn de prikonfliktaj
kaj pripacaj studoj, gvidotajn surloke. La lernejo ricevis lokan kaj
internacian renomom pro siaj atingoj, inkluzive prestiĝajn aljuĝaĵojn
kaj premiojn. Publikaĵoj priskribantaj ĝiajn specialajn
labormetodojn nun estas haveblaj en la araba, la hebrea, kaj la angla.
|
|
